من طرف السلام عليكم و رحمة الله و باركاته ،،
في الحقيقه مش عارف شن بنكتبلك أو شن بنقولك أصلا هل أن المرض اللي راسلتك أول مره من أجله ما زال قاعد ولا الظلم اللي ما زال واقع على من الشخص اللي يسموا فيه الاب و لا من الوحده اللي أني أعاني منها ولا من الصحبه اللي ما ليقتش طريق ليها يمكن أنت تكون قريت الموضوع اللي رسلتهلك قبل هذا و قتلك أني تعرفت لصحاب هو صح تعرفت بس يعتبر تعرف وهمي عن طريق النت وفي شخص واحد بس اللي شفته وشافني مره أو مرتين بس وكانت في الكليه و بعدها إذا كان عندي نتن تواصلوا أو عالنقال فقط يعني ما حسيتش بالصداقه الحقيقيه مع أنه هو من مصراته أيضا .. تعرف وليت ناخد في أرقام شباب لهم علاقه بالمرض اللي أني نعاني منه بس أنطمنك يعني علاقتي بيهم لا تتجاوز النقال تبي تعرف ليش أنتوصل معاهم لاني نبي أنعبي الفراغ اللي قاعد في داخلي الفراغ اللي كان الاب سبب فيه .. و طبعا كل الاشياء هذه سببت تراجع كبير في مستواى دراستي تعرف أنه السمستر اللي الفات كنت منزل مواد شويه على أمل أني أصفي بمعدل جيد لكن جت خيبة الامل كبيره برسوبي في مادتين إحداهما من أول السمستر إلى الان قاعد .. و الله أنه في أمتحان النهائي لوحده من هذين المواد بعد الامتحان خرجت من القاعه من داخلي متحطم بالكامل كان الامتحان سهل بس أني كنت محتاج أني أجاوب أكثر من نص الامتحان صح علشان انجح اللي معاي طلعوا فرحانين و ظامنين النجاح كنت أفرح معهم و أبتسم لكن كنت من داخلي متحطم بمعني الكلمه كنت أنقول ليش بس و الدموع محبوسه في عيني ما قدرتش أنطلعها كنت أدعوا ربي أنه ما يحرمنيش فرحة نجاحي بس صار اللي صار و الحمد لله على كل حال ،،
تعرف و أني نتكتبلك توا تفكرت أنشوده لمنشد معروف يقول .. أشعر أحيانا بضياع من ظلم قاسي و خداع و الان جميع مرادي أن أكون معالك يقصد الرسول صل الله عليه وسلم،، المنشد يقول أشعر أحيانا أني الشعور هذا ما يفارقنيش ديما معي من ظلم قاسي أي ظلم أقسي من ظلم الاب لابنه .. أما الخداع فهو خداع الشباب اللي قتلك أني أكلم فيهم كل واحد منهم يدير في روحه أنه صاحب مع اني عارف انه عمره ما راح يكون صاحب لي بس قتلك من شأن أنعبي الفراغ اللي حاسي فيه من الداخل مش من شان اني انا فيا طبع البنات لا أني راجل و اصلا ما نحبش العلاقه هذي بس ملت إلى الاشياء هذه بسبب أني ما لقيتش العطف و الحنان الابوي فحاولت اني أبحث عليه عند ناس مخادعه غصبني عني ,,
على كل أني أسف اني ورطك في مشاكلي لاني ما لقيتش حد أفتحله قلبي أكثر منك و الله المستعان !!
في الحقيقه مش عارف شن بنكتبلك أو شن بنقولك أصلا هل أن المرض اللي راسلتك أول مره من أجله ما زال قاعد ولا الظلم اللي ما زال واقع على من الشخص اللي يسموا فيه الاب و لا من الوحده اللي أني أعاني منها ولا من الصحبه اللي ما ليقتش طريق ليها يمكن أنت تكون قريت الموضوع اللي رسلتهلك قبل هذا و قتلك أني تعرفت لصحاب هو صح تعرفت بس يعتبر تعرف وهمي عن طريق النت وفي شخص واحد بس اللي شفته وشافني مره أو مرتين بس وكانت في الكليه و بعدها إذا كان عندي نتن تواصلوا أو عالنقال فقط يعني ما حسيتش بالصداقه الحقيقيه مع أنه هو من مصراته أيضا .. تعرف وليت ناخد في أرقام شباب لهم علاقه بالمرض اللي أني نعاني منه بس أنطمنك يعني علاقتي بيهم لا تتجاوز النقال تبي تعرف ليش أنتوصل معاهم لاني نبي أنعبي الفراغ اللي قاعد في داخلي الفراغ اللي كان الاب سبب فيه .. و طبعا كل الاشياء هذه سببت تراجع كبير في مستواى دراستي تعرف أنه السمستر اللي الفات كنت منزل مواد شويه على أمل أني أصفي بمعدل جيد لكن جت خيبة الامل كبيره برسوبي في مادتين إحداهما من أول السمستر إلى الان قاعد .. و الله أنه في أمتحان النهائي لوحده من هذين المواد بعد الامتحان خرجت من القاعه من داخلي متحطم بالكامل كان الامتحان سهل بس أني كنت محتاج أني أجاوب أكثر من نص الامتحان صح علشان انجح اللي معاي طلعوا فرحانين و ظامنين النجاح كنت أفرح معهم و أبتسم لكن كنت من داخلي متحطم بمعني الكلمه كنت أنقول ليش بس و الدموع محبوسه في عيني ما قدرتش أنطلعها كنت أدعوا ربي أنه ما يحرمنيش فرحة نجاحي بس صار اللي صار و الحمد لله على كل حال ،،
تعرف و أني نتكتبلك توا تفكرت أنشوده لمنشد معروف يقول .. أشعر أحيانا بضياع من ظلم قاسي و خداع و الان جميع مرادي أن أكون معالك يقصد الرسول صل الله عليه وسلم،، المنشد يقول أشعر أحيانا أني الشعور هذا ما يفارقنيش ديما معي من ظلم قاسي أي ظلم أقسي من ظلم الاب لابنه .. أما الخداع فهو خداع الشباب اللي قتلك أني أكلم فيهم كل واحد منهم يدير في روحه أنه صاحب مع اني عارف انه عمره ما راح يكون صاحب لي بس قتلك من شأن أنعبي الفراغ اللي حاسي فيه من الداخل مش من شان اني انا فيا طبع البنات لا أني راجل و اصلا ما نحبش العلاقه هذي بس ملت إلى الاشياء هذه بسبب أني ما لقيتش العطف و الحنان الابوي فحاولت اني أبحث عليه عند ناس مخادعه غصبني عني ,,
على كل أني أسف اني ورطك في مشاكلي لاني ما لقيتش حد أفتحله قلبي أكثر منك و الله المستعان !!
